EN
RU
Şəxsi kabinet
25-ci Yubiley Azərbaycan Beynəlxalq Telekommunikasiya,
İnnovasiya və Yüksək Texnologiyalar Sərgisi

3 - 6 dekabr 2019 Bakı Ekspo Mərkəzi
DƏSTƏK
BAŞ SPONSOR
bakutel

Stendin rezervasiyası

Sərginin programı

İştirakçıların siyahısı

Dəvətnaməni əldə edin
bakutel - Beynəlxalq Telekommunikasiya İttifaqının baş katibi Azərbaycan startapçıları ilə görüşüb
Media мərkəz » Xəbərlər

Beynəlxalq Telekommunikasiya İttifaqının baş katibi Azərbaycan startapçıları ilə görüşüb
02.12.2016

Xəbərlər

Bakıda “Bakutel-2016” Beynəlxalq Telekommunikasiya və İnformasiya Texnologiyaları Sərgisi və “İKT həftəsi” çərçivəsində Beynəlxalq Telekommunikasiya İttifaqının (BTİ) baş katibi Houlin Jao Azərbaycan startapçıları ilə görüşüb.

AZƏRTAC xəbər verir ki, Rabitə və Yüksək Texnologiyalar Nazirliyinin (RYTN) təşkilati dəstəyi ilə keçirilən görüşdə H.Jao BTİ-nin yürütdüyü siyasətdə startapçıların inkişafına verilən önəm və bu sahədə aparılan işlərdən danışıb. Gələcək iqtisadi inkişafda İKT sahəsinin əhəmiyyətli rola malik olduğunu deyən H.Jao bu baxımdan startapların fəaliyyətinin, bu sahədə novatorluğun və yeni ideyaların dəstəklənməsinin BTİ-nin üzv ölkələri, o cümlədən Azərbaycan üçün də prioritet istiqamət olduğunu bildirib.

Baş katib Azərbaycanın neft resurslarına malik olduğunu da xatırladaraq, İKT-nin gələcək inkişafı naminə “qara qızıl”ın insan kapitalına çevrilməsi istiqamətində ölkədə aparılan ardıcıl və sistemli tədbirlərin təqdirəlayiq olduğunu deyib.

Rabitə və yüksək texnologiyalar nazirinin müavini Elmir Vəlizadə Azərbaycanda startapların inkişaf etdirilməsinə yönələn dövlət siyasəti haqda məlumat verib. Nazir müavini startapların fəaliyyətinin gücləndirilməsi üçün münbit şərait yaradıldığını, bu sahədə Rabitə və Yüksək Texnologiyalar Nazirliyinin tabeliyində “Yüksək Texnologiyalar Parkı” və İnformasiya Texnologiyalarının İnkişafı Dövlət Fondunun xüsusi rol oynadığını nəzərə çatdırıb.

Görüşdə iştirak edən Azərbaycan Respublikasının Cenevrədəki BMT Bölməsi və digər beynəlxalq təşkilatlar yanında daimi nümayəndəsi, səfir Vaqif Sadıqov Azərbaycanda İKT sahəsinin dinamik inkişafının qürurverici olduğunu qeyd edib.

Daha sonra BTİ-nin baş katibi startapçıların suallarını cavablandırıb.

Görüşün sonunda Azərbaycan startapçılarına gələcək fəaliyyətlərində müvəffəqiyyətlər arzulayan Houlin Jao onlarla xatirə şəkli çəkdirib.



TƏRƏFDAŞLAR